Ո ՞ր դիրքում կատարել:

Հարմարավետ, կայուն մեդիտացիոն դիրքը պրակտիկայի ընթացքում անհրաժեշտ է արդյունավետ շնչառության և մարմնի կայունությունը ապահովելու համար: Siddha / siddha yoni ասանան պրանայամայի կատարման համար լավագույն դիրքերից մեկն է: Մարմինը պետք է հնարավորինս թուլացվախ լինի ամբողջ պրակտիկայի ընթացքում `ողնաշարի, վզի և  գլխի հետ միասին:

Հաջորդականություն: Պրայամաները պետք է կատարել ասանաներից հետո և մեդիտացիաներից առաջ: Պրանայամաներից հետո մի քանի րոպե կարելի է պարկել շավասանայի դիրքով:

Հագուստ:   Անհրաժեշտ է կրել բնական մանրաթելից պատրաստված, ազատ և հարմարավետ հագուստ: Մարմինը կարող է ծածկվել վերմակով, երբ ցուրտ է, կամ միջատներին հեռու պահելու նպատակով:

Դատարկ ստամոքս: Պարանայաման պետք է կատարել ուտելուց առնվազն երեք կամ չորս ժամ հետո: Ստամոքսում սնունդը ճնշում է գործադրում ստոծանու և թոքերի վրա` խանգարելով ամբողջական և խորը շնչելուն:

Կողմնակի ազդեցություններ: Առաջին անգամ շնչառական վարժություններ կատարելիս` սովորաբար տարբեր նշաններ կարող են դրսևորվել առողջ մարդկանց մոտ: Սրանք օրգանիզմի մաքրման և տոքսինների հեռացման գործընթացի արդյունք են, ինչպիսիք են օրինակ, քոր, դող, տաքություն, սառնություն, զգացմունքներ թեթևության կամ ծանրության զգացողություններ: Նման զգաղոցություններըւ ընդհանրապես ժամանակավոր են, բայց եթե նրանք շարունակական են, անհրաժեշտ է խորհդակցել յոգայի ուսուցչի հետ:

Հակացուցումներ:  Պրանայաման չպետք է կատարվի հիվանդ ժամանակ, թեև պարզ մեթոդներ, ինչպիսիք են` շնչառության հետևելը  շավասանայի դիրքում, կարող է կատարվել: Միշտ խորհրդակցեք յոգայի ուսուցչի հետ` նախքան թերապևտիկ նպատակներով պրանայամաների կատարումը:

Չծխել:  Պրանայամա կատարող անձանց խորհուրդ չի տրվում ծխախոտի օգտագործումը:

Կան պրանայամաների տարբեր տեսակներ, որոնց մասին կխոսենք , հետևյալ  բաժիններում՝ 

1․ Յոգիկ ամբողջական շնչառություն,

2․ Նադի Շոդհանա պրանայամա,

3․ Շիթալի պրանայամա, 

4․ Շիտկարի պրանայամա,

5․ Բհարմարի պրանայամա,

6․ Ուջջայի պրանայամա,

7․ Բհաստրիկա պրանայամա,

8․ Կապալբհաթի պրանայամա,

9․ Սուրյա Բեդհա։