Արդյո՞ք ճկունությունը հարկավոր է միայն մարմնամարզիկներին: Իհարկե, ոչ։ Բոլորը պետք է մտածեն մարմինը ճկուն պահելու մասին, լինի դա քաշերով մարզվողները, վազորդները, պարզապես ամենօրյա շարժումներ կատարելիս, պետք է որոշակի ժամանակ հատկացնել մարզումներին , որոնք կբարելավեն մարմնի ճկունությունը։ Այս հոդվածում մենք կքննարկենք, թե ինչու է ճկունությունը կարևոր, ինչու են որոշ մարդիկ ավելի ճկուն, քան մյուսները։
Ինչո՞ւ է ճկունությունը կարևոր։
Ճկունությունը ֆիզիկական պատրաստվածության կարևոր բաղադրիչ է և ունի բազմաթիվ դրական ազդեցություններ մարմնի վրա: Օրինակ, այն բարելավում է շարժունակությունը, կեցվածքը, մկանների համակարգումը, նվազեցնում է վնասվածքների և մկանային ցավի առաջացման վտանգը: Այն հիմնականում մեծացնում է շարժունակության շրջանակը և հեշտացնում է որոշակի վարժությունների կատարումը։ Հիմնականում մարզվելուց առաջ ձգումների կատարումը մեծացնում է արյան հոսքը մկաններում: Եթե կանոնավոր կերպով չեք աշխատում ճկունության վրա, մկանները ժամանակի ընթացքում կրճատվում են. լավագույն օրինակը ազդրային հատվածն է, քանի որ մենք շատ ենք նստած լինում: Սահմանափակ ճկունությունը հանգեցնում է դժվար շարժունակության ու ցավերի առաջացման մարմնում , որը սահմանափակումներ է առաջացնում առօրյա կյանքում և մարզվելիս:
Ինչո՞ւ են որոշ մարդիկ ավելի ճկուն, քան մյուսները:
Երբ մենք համեմատենք մեզ մարմնամարզիկի հետ , ակնհայտ է կդառնա, որ որոշ մարդիկ ավելի ճկուն են, քան մյուսները: Սա պայմանավորված է երկու գործոնով՝ ֆիզիկական ասպեկտներից և նրանից, թե ինչպես է մարդը մարզվում: Օրինակ, հետևյալ ֆիզիկական ասպեկտները կարող են ազդել ճկունության վրա.
Տարիքը– տարիքի հետ մարմինը կորցնում է իր ճկունությունը,
Ոսկրերի չափը և կառուցվածքը- որքան մեծ է ոսկորների տրամագիծը, այնքան ավելի քիչ ճկուն կլինեք,
Շարակցական հյուսվածք – ջլերի և կապանների առաձգականության աստիճանը,
Մարմնի զանգվածը – որքան մեծ է մարմինը, այնքան ավելի դժվար է ճկուն դիրքեր ձեռք բերելը։
Եթե դժվարանում եք դիպչել մատները հատակին՝ առանց ոտքերը ծալելու, մինչդեռ մյուսները կարող են հեշտությամբ դա կատարել, մի անհանգստացեք: Լավ նորությունն այն է, որ դրա վրա կարելի է աշխատել:
Ինչպե՞ս մեծացնել ճկունությունը:
Ինչպես կյանքում շատ բաներ սովորելը, այնսպես էլ ճկունություն ձեռք բերելը կապված է ամենօրյա պրակտիկայի և կանոնավոր վարժությունների կատարման հետ։ Տարբերվում են դինամիկ ու ստատիկ ձգման վարժություններ:
Որո՞նք են դինամիկ ձգման վարժությունները:
Դինամիկ ձգման վարժությունները, ինչպես ենթադրում է անունը, կատարվում են դինամիկ կերպով։ Դրանք մկանների ակտիվ շարժումներ են, որոնք հանգեցնում են ձգման, բայց չեն պահվում վերջնական դիրքում: Այսպիսով, դրանք ծառայում են երկու նպատակի համար՝ տաքացում և ճկունության բարձրացում: Դինամիկ վարժությունները կարող եք ներառել ինչպես պարապմունքի սկզբում, այնպես էլ ամբողջ մարզման ընթացքում։
Ի՞նչ է ստատիկ ձգումը:
Ստատիկ ձգվող վարժություններն են, օրինակ, երբ կատարում եք որևէ դիրք, և պահում եք այն ձգված մինչև 40-50 վայրկյան: Նախքան, ստատիկ վարժությունները կատարելը, կարևոր է կատարել դինամիկ ձգման վարժությունները, որպեսզի մկանները պատշաճ կերպով տաքացած լինեն ստատիկ ձգումներ կատարելու համար։
Ե՞րբ պետք է ձգվել/աշխատել ճկունության վրա:
Յոգայի պարապմունքի ընթացքում, ինչպես և ցանկացած մարզաձևի ընթացքում, մկանները տաքացնելը, դինամիկ վարժությունների կատարելը շատ կարևոր է, վնասվածքներից զերծ մնալու համար և նաև մարմինը ավելի ճկուն ու ուժեղ դարձնելու համար։
Յոգայի ընթացքում դինամիկ վարժություններ են համարվում Պավանմուկտասանա սերիան, Սուրյա Նամասկարը, դինամիկ աթոռի դիրքի կատարումը, պլանկայից դիրքից դեպի Գլուխը ներքև շան դիրքի կատարումը, Կովի ու Կատվի դիրքերը և այլն։
Ստատիկ դիրքերը կարելի է անվերջ թվարկել։
Յոգայի ընթացքում ավելի դինամիկ տեսակ է համարվում Վինյասա Ֆլուոն, ի տարբերություն օրինակ Յին յոգայի, որտեղ գրեթե բոլոր դիրքերը կատարվում են ստատիկ վիճակում։
Ճկունության սպասելիքներ
Ավելի ճկուն դառնալը համբերություն է պահանջում: Հաճախակի աշխատեք ճկունության վրա: Ճկունությունը պահանջում է մեծ ուշադրություն, մտավոր ուժ և համառություննախքան կհասնեք դիքրի, որին ձգտում եք: Նվիրվածությամբ ու կանոնավոր մարզելով մարմինը, ճկունության ձեռք բերումը կլինի անխուսափելի։
Յոգայի պրակտիկայում պետք է հիշել, որ ասանաները հանդիսանում են հրաշալի միջոց մարմինը ճկուն, ուժեղ ու առողջ պահելու համար։
Սակայն, անհրաժեշտ է միշտ հիշել Պատանջալիի կողմից սահմանված “Sthira Sukham Asanam” սուտրան, որը նշանակում է << Դիրքը պետք է լինի հարմարավետ ու հաճելի>>։
Պետք է սիրով, հանդուրժողականությամբ ու հարգանքով վերաբերվել մարմնին ցանկացած դիրքերի կատարման ժամանակ` ընդունելով մարմնի հնարավորությունները ու ֆիզիոլոգիան։ Կատարելով դիրքերը շնչառության ու մարմնի որևէ հատվածի վրա կենտրոնացվածությամբ, կարող ենք կատարել մեր պրակտիկան անվնաս ու հասնել հաջողությունների։
Եվ այսպիսով, ճկունություն ձեռք բերելը յոգայի գլխավոր նպատակներից չէ, այլ թե որքանով է մարմինը ժամանակի ընթացքում դառնում ավելի թեթև, առողջ , ազատված ցավերից։
Յոգայի մեջ թերևս ճկունության սահմանը այն է, թե որտեղ է մարմինը իրեն զգում առավելագույնս լավ։ Ճկունությունը ինչպես նշեցինք մարմնի համար կարևոր է, որը պրակտիկանտը ստանում է յոգայի պրակտիկայից, սակայն ճկունության ձեռք բերումը չպետք է դարձնել վերջնական նպատակ։
Օմ ՇԱՆՏԻ Յոգա ստուդիան հրավիրում է Հաթհա և Օդային յոգայի դասերին։
Նյութը պատրաստվել է Օմ Շանտի Ստուդիայի կողմից
Բոլոր հեղինակային իրավունքները պատկանում են Օմ Շանտի Ստուդիային։ Կայքում տեղ գտած նյութերից օգտվելիս` հղումը պարտադիր է։
Օգտագործված նյութ՝ https://www.freeletics.com/en/blog/posts/flexibility/
